Нови 421 случај на Ковид-19, починати 13 лица

Во последните 24 часа, регистрирани се 421 случај на коронавирусот од направени 2.900 тестирања, пријавени се вкупно 13 починати, осум во последното деноноќие и плус пет лица од „Мој термин“, починати од 6 до 28 септември. Евидентирани се и 395 оздравени пациенти, информираат од  Министерството за здравство, повикувајќи се на податоци од Институтот за јавно здравје.

Од новите 421 случај на Ковид-19, од Скопје се 211, Куманово – 32, Штип – 26, Велес – 25, Кавадарци – 19, Кочани – 15, Прилеп – 13, Охрид – 12, Македонска Каменица – 9, Гевгелија – 7, Струмица, Кичево и Крива Паланка – по 6, Свети Николе – 5, Гостивар – 4, Битола, Радовиш, Берово, Виница и Демир Хисар – по 3, Кратово и Богданци – по 2, Тетово, Неготино, Ресен, Пробиштип, Валандово и Крушево – по 1.

Дополнително, согласно Регистерот на умрени лица со дијагноза Ковид-19 од „Мој термин“, пријавени се уште пет починати лица, со датум на смрт од 06.09.2021 до 28.09.2021 година. Регистрирани се три починати лица од Скопје и по едно починато лице од Гевгелија и Битола, на возраст од 67 до 94 години. Од пријавените лица, две се починати во болнички услови, а три во домашни услови.

Досега во земјата се направени вкупно 1.333.204 тестирањана Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 195.963, бројката на оздравени пациенти е 182.473, на починати е 6.888, а бројот на активни случаи изнесува 6.602.