Николовски: Сите кои имаат пензии над 20 илјади денари се оштетени

24/07/2025 17:23
„Ова нема никакво економско и социјално оправдување – тоа е чиста политичка одлука. Се немаат изјаснато врз основа на кои параметри имаат одлучено да биде зголемување двапати по 1.000 денари. Треба да имаш параметри за да се објасни. Според некои показатели од економски експерти, сите кои имаат пензии над 20 илјади денари ќе бидат оштетени, а само 7,5% не“, изјавил за  „Локално“ лидерот на Партијата на пензионери, Илија Николовски околу најавеното линеарно покачување на пензиите што го најави Владата.
 
Според него, партијата има многу подобро решение – минималната пензија да биде 70% од минималната плата, а просечната пензија да биде 60% од просечната плата.

 

-Со тоа јазот меѓу минималната и максималната пензија би се корегирал. Пред претходното усогласување на пензиите – двапати по 2.500 денари – јазот беше 1,7 во однос на двете пензии. Со зголемувањето двапати по 2.500 денари, јазот се намали и сега имаме минимална во однос на максимална пензија 4,5%. Постигната е целта и според мене, ова сега нема ниту економско ниту социјално оправдување, па ниту правно, но Владата може да си донесе закон. Искуствата покажуваат дека на тој начин се нарушува стабилноста на Пензискиот фонд, истакнува Николовски.

Соговорникот потенцира дека има големо незадоволство кај пензионерите.

-Ги разбирам тие со минималните пензии и имам високо почитување за нив, меѓутоа пензијата не е социјална туку економска категорија. За социјалниот дел, државата е должна преку социјални пакети да обезбеди пристоен живот на сите граѓани, додава Николовски.

Поврзани содржини

Креативни работилници за реконструкција на римски социјални игри на Стоби
Ќе се испитува статиката на „Влајко“, „Партизанска“ ќе се затвора дел по дел
Грета Тунберг дојде во Тетово
Мрежата за заштита од дискриминација бара стручно лице за Народен правобранител
Туфегџиќ за Димитровска: Не се службена тајна информации објавени на YouTube
Шукова: Железница на кеј на Вардар – Уште еден од низата на проекти без стратегија за урбано Скопје!
Девет дена се гаси пожарот на планината Готен
Фото вест: Не престануваме да се сеќаваме и на сеќавањето!

Најчитани