Немо од Швајцарија победи на Евросонг 2024 (видео+ фото)

Малме – Последните гласови се добиени, преброени и верификувани, а Петра Меде и Малин Акерман го објавија победникот на Изборот за песна на Евровизија 2024 година.

Во живо од Малме Арена, синоќа,  трофејот од Шведска ѝ беше предаден на Швајцарија за The Code, во изведба на Немо.

Тоа е трета победа за Швајцарија на Евровизија, по победата на Лис Асија во 1956 година и Селин Дион во 1988 година.

По завршувањето на последниот сет на резултати, The Code беше прогласен за јасен шампион со бројка од 591 поени.

Хрватска заврши на второто место со Рим Тим Таги Дим од Бејби Лазања со 547 поени. А Украина заврши на третото место благодарение на Аlyona Аlyona и Jerry Heil со нивната песна Teresa & Maria со 453 поени.

Откако беа постигнати бодовите од 37 жирија, Швајцарија беше во огромно водство со 365 поени, а Франција зад нив беше на второто место со 218 поени.

226-те поени што гласањето на јавноста тогаш и ги додели на Швајцарија беа доволни за Немо да го задржи тоа водство и да ја премине линијата за конечна победа. The Code станува 68-ми победник на Изборот за песна на Евровизија.

За целосен преглед на резултатите за големото финале кликнете овде.

Роден во 1999 година во Биел, мал двојазичен град во Швајцарија, Немо свири на виолина, пијано и тапани уште од мало дете.

Во 2016 година, Немо стана познат преку ноќ преку појавувањето на SRF Virus (#Cypher), кое стана вирално на социјалните мрежи. Потоа издадоа две EP-а – преку кои 7 песни се најдоа директно на официјалната швајцарска табела за синглови.

2020 година го означи почетокот на периодот на промени за Немо, кога почнаа да пишува и да продуцира за други уметници, а исто така почна да објавува песни на англиски јазик.

Во неговата музика, Немо се занимава со теми како што се родовиот идентитет, менталното здравје и пронаоѓањето на своето место на овој свет. 

Фото: ЕБУ