Натпревар на танчари на платото на „Ист гејт“


Во пресрет на Европското првенство во танци 2022 во Скопје, вечер од 18 часот на платото на ТЦ „Ист гејт“ ќе се натпреваруваат повеќе од сто танчари од различни возрасти.

– Програмата е замислена како дружење и размена на искуства на ритам машини, но и мал шоу натпревар помеѓу врвните танчари од цело Скопје. За учесниците со најдобри перформанси следуваат многу изнадувања, а за сите обожаватели на хип-хопот следува незаборавно музичко уживање, соопштија организаторите на настанот.

Европското првенство во танци 2022 ќе се одржува од 2 до 5 јули во „Ист гејт“ и Спортскиот центар „Јане Сандански“. Ќе учествуваат над 3000 танчари од 20 земји од Европа.