Насилно отстранета спомен-плочата од споменикот на Македонците од Егејскиот дел

Непознат сторител со употреба на сила ја отстранил спомен-плочата од споменикот на културата посветен на Македонците од Егејскиот дел на Македонија. Меморијалот е поставен во паркот „Жена борец“ во центарот на Скопје.

Од Министерството за внатрешни работи информираат дека случајот бил пријавен во СВР Скопје. Надлежните служби веќе преземаат мерки за расчистување на настанот и за идентификација на сторителот.

Спомен-плочата е дел од меморијална поставка која им оддава почит на иселените и прогонетите Македонци од Егејска Македонија. Таа се смета за споменик на култура со посебно историско значење.

Од МВР не соопштуваат дополнителни информации за моментот на инцидентот. Потврдуваат дека истрагата е во тек и се преземаат конкретни чекори за откривање на сторителот.