Националната галерија го одбележа Меѓународниот ден на лицата со аутизам

Меѓународниот ден на лицата со аутизам, Националната галерија на Македонија традиционално го одбележа со инклузивни креативни работилници. Децата од повеќе училишта ОУ „Невена Георгиева Дуња“, ОУ „Св. Климент Охридски“, ДСУ за рехабилитација и образование „Св. Наум Охридски“, сите од Скопје, како и студентите од Машинскиот факултет, отсек индустриски дизајн заедно работеа на изработка на „хотели за инсекти“.

Изработените творби треба да бидат подарени на Зоолошката градина на град Скопје, соопшти Националната галерија.

Ваквите проекти се значајни не само за подигнување на јавната свест за лицата со посебни потреби, туку и за подигање на колективна свест и одговорност за природата воопшто. Климатските промени и катастрофи неминовно наменуваат едукација на најмладите на тема одговорно управување со природата, стои во соопштението од Националната галерија.