На 102 години почина Ајрис Апфел, глобална икона на стилот

Глобалната икона на стилот Ајрис Апфел почина на 102 години, на имотот во Палм Бич на Флорида, потврди  нејзиниот комерцијален агент Лори Сејл.

Со големите, тркалезни, црни очила, светло црвен кармин и кратката бела коса, таа се истакнуваше на секој моден настан на кој присуствуваше. Нејзиниот стил беше предмет на музејски изложби и документарниот филм Ирис, во режија на Алберт Мејслс.

„Не сум убава, никогаш нема да бидам убава, но тоа не е важно. Имам нешто многу подобро. Имам стил“, велеше таа.

Пред да биде манекенка, Апфел беше копирајтер во Women’s Wear Daily и ко-основач на текстилната компанија Old World Weavers. Нејзиното око за внатрешен дизајн ја навело да работи со девет претходни претседатели на САД, вклучувајќи ги Бил Клинтон и Хари С. Труман.

И покрај годините, таа работеше неуморно – патуваше низ светот, посетување Модни недели и позираше за брендови како Zenni Optical и Hugo Boss.

Пред две години се приклучи на дизајнерскиот список на модниот бренд H&M, вклучувајќи ги и претходните дизајнери Карл Лагерфелд, Симон Роча и Стела Макартни. Токму нејзиниот еклектичен вкус и нејзиното влијание во модната заедница на прво место го привлекоа H&M!

Манекенката, која е позната по својата жестока индивидуалност и креативен стил на комбинирање на облека од висока мода со винтиџ богатства од пазари ширум светот, соработуваше со креативниот советник на H&M Womenswear, Ен-Софи Јохансон, на облека од 19 парчиња и додатоци од 17 парчиња.

Со Карлф Апфел беа во брак 67 години, сѐдо неговата смрт во 2015 година, на 100 години. Немаа деца, делумно поради обемот на патување што им беше неопходен за работа; таа не сакала тие да бидат одгледувани од дадилка.