Музичката и бизнис елита на гала промоцијата на „Албум“ на Калиопи (галерија)

Калиопи, дивата со стас , глас и најубавите поп-хитови, денес, во елитната „Воденица“ , ја собра  музичката и бизнис елита за промоцијата на новиот албум, насловен „Албум“  со десет нови композиции, од кои две ( со спотовите) „Знам“ во дует со Жељко Самарџиќ и „ Кад осване“, јавноста веќе ги слушна.

Тоа беше гала настан каде се славеше добрата музика и дружење, ги видовме четирите нови спотови и го преслушавме албумот, се пиеше квалитетно вино на „Тиквеш“, се дегустираа специјалитети од кујната на „Воденица“ и се оддаваше почит на музичката дива која е во топ- форма и секогаш со позитивна енергија.

Калиопи денес ни приреди ново музичко патување кое ветува нови хитови, одлични видео-спотови и нова соработка – со Слаткар. 

Дивата која гостува во регионот и низ Македонија, годинава, ќе ја видиме и во Скопје, концертот во „Борис Трајковски“ е закажан на 19 октомври. Претходно, на 20 јули, Калиопи ќе го донесе својот куфер на љубовта на отворено, под ѕвездено небо, во Хераклеа – Битола. 

Низ фотогалеријата ви пренесуваме дел од амбиентот од денешната гала промоција во Скопје. 

(Л.С.)