Мурињо му рече на Винисиус: Постигна прекрасен гол, зошто го славиш провоцирајќи?

Жозе Мурињо беше крајно незадоволен синоќа по поразот на неговата Бенфика од Реал Мадрид.

Португалскиот стручњак заработи и суспензија, и како резултат на тоа нема да може да го води својот тим во реваншот на Сантијаго Бернабеу.

„Добив црвен картон затоа што кажав нешто многу јасно. Судијата имаше парче хартија на кое пишуваше „Чуамени, Карерас и Хуијсен не можат да добијат жолт картон“. Само му го кажав тоа. Сите знаеме како стојат работите“, рече тој.

Тој се осврна и на ситуацијата со Винисиус.

„Му кажав на неговиот тренер дека Винисиус постигна гол кој не е од овој свет и зошто треба да го слави толку глупаво? Потоа му реков на Винисиус:

„Постигна прекрасен гол, зошто го славиш провокативно?“ Зошто не го славите како Ди Стефано, Пеле, Еузебио… Зошто не можете среќно да славите гол затоа што сте одличен играч? Не разбирам…“

Синоќа во Лисабон, Реал победи против Бенфика со резултат од 1:0, и со едната нога е во осминафиналето од Лигата на шампионите.

Реваншот е закажан за следната среда на Сантијаго Бернабеу.