Може ли Американците да останат без тоалетна хартија?

Американците би можеле да се соочат со недостиг на тоалетни ролни и панични купувања во супермаркетите што не се забележани од првите, нервозни денови на пандемијата, според меките, но силни предупредувања од експертите за дрво и пулпа.

Планираните царини на претседателот Трамп за канадскиот увоз, вклучително и давачки од 27 отсто за граѓа, ќе ја зголемат цената на еден вид дрвна маса што е клучна состојка во производството на  американската тоалетна хартија.

„Некои од големите брендирани производи не само што бараат мешавина од иглолистно дрво од Канада, туку и од иглолистно дрво од конкретна мелница“, рече Брајан МекКлеј, чија компанија, BMA, го следи глобалниот пазар на целулоза.

„Тие го користат 30 години и нема да се променат“, изјави тој за Блумберг.

САД увезуваат приближно 10 отсто од својата тоалетна хартија, а околу половина доаѓа од Канада, според Дино Бјанко, извршен директор на Кругер продуктс, најголемиот канадски производител на тоалетна хартија.

 Трамп долго време тврди дека царините ќе го поттикнат домашното производство, инсистирајќи дека на САД не им е потребна канадска граѓа. Сепак, лидерите на индустријата велат дека канадската мешавина од меко дрво има различни својства кои не можат лесно да се заменат со американски алтернативи.

Тарифите, исто така, може да доведат до брановиден ефект низ синџирот на снабдување. Повисоките трошоци за граѓа може да ја забават градежната активност, што ќе доведе до собирање на помалку дрвја и намалување на достапноста на дрвените чипови што се користат за пулпа.Овој недостиг може да ги зголеми трошоците за производство за производителите на тоалетна хартија , што потенцијално ќе доведе до недостиг на снабдување.

 Ако увозните давачки за граѓа надминат 50%, како што во моментов се предвидува, „тоа ќе остави без работа некои пилани и тоа ќе ја намали понудата на дрвени чипови“, изјави за Bloomberg Брајан МекКлеј,  кој го следи глобалниот пазар на целулоза.

Пиланите не се лесно приспособливи, обично работат или со полн капацитет или целосно се затвораат, рече Жан-Франсоа Самреј, шеф на Советот за шумска индустрија во Квебек.