Мицевски ја обвини власта за самоволие во Собранието

Продолжува праксата на самоволие и непочитување на Деловникот од страна на коалицијата СДСМ-ДУИ, порача на прес-конференција Никола Мицевски од ВМРО-ДПМНЕ.

– Собранието и граѓаните, за жал, се заложници на Зоран Заев и Талат Џафери и нивната свесна неспособност да менаџираат со институциите во екот на најголемата глобална здравствена и економска криза. Целта на овој начин на работење е да се замолчи опозицијата. Целта на овој начин на работење е да се претвори Собранието во институција која ќе биде слуга на тесните интереси на оваа коалиција за неправда.

Побаравме на денешната Седница да се стават на дневен ред интерпелациите за Љупчо Николоски и Бојан Маричиќ. Граѓаните секојдневно се сведоци за зголемен степен на корупција. Граѓаните секојдневно гледаат дека нема ниту еден чекор насочен кон реформа на правосудството. Тоа го нотираат и сите релевантни меѓународни институции. Затоа, потребно е час поскоро да се отвори седница за одговорност токму на министрите кои се надлежни во овие две области. Но, претседателот на Собранието спротивно на деловникот денес правеше се за да се спречи седница со интерпелација на дневен ред, порача Мицевски.