Меркел: Конструктивен разговор за Иран

Таа истакна дека лидерите на земјите членки на Г-7 имале добар и конструктивен разговор на Самитот во Биариц на таа тема.

По изненадното пристигнување на иранскиот министер за надворешни работи Мухамед Џавад Зариф во Биариц, Меркел посочи дека неговото присуство е „паралелен настан на исто место“ и оти лидерите на Г-7 сега мора да видат „дали комуникацијата без одложување произведува нови можности за разговори и можеби преговори со Иран“.

Зариф вчера неочекувано пристигна во Биариц, каде се одржува Самитот на Г-7 откако доби покана од домаќинот Франција.

Според Меркел синоќешната дискусија покажала дека лидерите на сите земји членки на Г-7 се согласуваат дека Иран не смее да има нуклеарно оружје и дека тоа мора биде обезбедено со преговори со Техеран.