„Мастеркард“ ги менува правилата за плаќање, некои работи одат во минатото

Почнувајќи од 2030 година, „Мастеркард“ повеќе нема да бара од Европејците рачно да ги внесуваат броевите на нивните картички, без оглед на тоа која платформа или уред ја користат.

„Мастеркард“ ќе ги токенизира сите картички што ги издава на својата мрежа во Европа до 2030 година.

Со други зборови, наместо 16-цифрениот број на картичката што сите сме навикнати да го користиме за трансакции, тој ќе биде заменет со случајно генериран „токен“, пишува Си-Ен-Би-Си.

Компанијата вели дека работи со банки, финтех компании, трговци и други партнери за постепено укинување на рачното внесување на броевите на картичките, кои ќе бидат заменети со клучеви за пристап, кои ќе обезбедат заштита од растечките обиди за измама.

Исто така, ќе биде можно да се користи биометриска автентикација, како отпечаток од прст.

Според фирмата за истражување на пазарот Juniper Research, загубите од измами преку интернет се очекува да достигнат повеќе од 362 милијарди долари на глобално ниво во следните пет години.

Токенизација

Прифаќањето на токенизацијата, вели „Мастеркард“, расте со стапка од 50 отсто секоја година и сега обезбедува околу 25 отсто од сите трансакции со е-трговија на глобално ниво на својата мрежа.

„Мастеркард“ соопшти дека ја воведува промената во Европа бидејќи континентот долго време е во првите редови на иновациите за плаќање, како што се бесконтактните плаќања и онлајн банкарството.

„Во Европа, видовме дека токенизацијата расте низ екосистемот, практичноста и намалените стапки на измами се продаваат“, рече во изјавата Валери Новак, извршен потпретседател за производи и иновации во „Мастеркард Јуроп“.

„Уверени сме дека постигнувањето на оваа визија до 2030 година е вин-вин за клиентите, трговците и издавачите на картички.