Марковска-Илиевска побара одговор од Арсовска за мега-паркот

На денешната седница на Советот на Град Скопје, советничката од ВМРО-ДПМНЕ Анета Марковска Илиевска ја искористи присутноста на градоначалничката на Град Скопје Данела Арсовска и побара одговор од неа и службите за активностите за мега паркот.

Марковска Илиевска продолжи и додаде:

„Во однос на уредувањето партерно и озеленување на просторот помеѓу реката Вардар, булевар „Илинден“, „Никола Парапунов“ и улица „Љубљанска“ во Општина Карпош во минатото усно, меѓутоа и писмено доставив прашање, но сега ќе ја искористам вашата присутност, тука и на градоначалничката, сеедно кој ќе ми одговори на прашањето“, рече Марковска Илиевска.

Марковска Илиевска упати прашање за тоа дали уредувањето и сите активности на мега-паркот зафаќаат дел од втората заштитна зона каде што се бунарите, истото прашање е поставено по четврти пат, а одговор од Град Скопје и Данела Арсовска нема.