Македонецот Васко Саздовски е еден од жртвите од несреќата во Нови Сад

Од 14-те жртви во страшната трагедија во Нови Сад, засега е познат идентитетот на седуммина.

Во Клиничкиот центар во Војводина лекарите се борат за животот на тројца посериозно повредени лица – две жени и еден маж, објавија српските медиуми.

Во несреќата загинало и шестгодишно девојче чиј идентитет не е познат.

Засега идентификуваните жртви се:

Анѓела Руман, родена 2004 година од Стара Пазова

Сања Арбутина Ќириќ, родена 1989 година од Каќ

Стефан Хрка, роден 1997 година од Белград-Ѕвездара

Милош Милосављевиќ, роден 2003 година од Криќанин-Зрењанин.

Ѓуро Швоња, роден 1947 година од Степановиќево

Вукашин Раковиќ, роден 1955 година од Буковац

Васко Саздовски, државјанин на Македонија

Работите на идентификација на останатите продолжуваат.

Министерот за внатрешни работи Ивица Дачиќ изјави дека спасувачката акција во Нови Сад е завршена, а дефинитивниот биланс од несреќата е 14 загинати и тројца повредени.

Денеска во Србија е биде Ден на жалост поради смртта и страдањето на граѓаните поради уривањето на железничката станица во Нови Сад.