Mafia politike po spastron shqiptarët nga vendi i tyre!

Shkruan: Aleksander Rena

Që në vitet 85-së dhe 86-shtë kur traktati i Katovicës erdhi në duart e Ramiz Alisë, që atëherë u vu në zhvillim plani marshall i spastrimit të shqiptarëve. Në vitet 90-91 e para herë ndodhi me ikjen e shqiptarëve në vendet e europës, si Greqi-Itali-Gjermani-Francë-Zvicër etj dhe më pas vit pas viti emigracioni njohu një stabilitet ikje. Shumë prej tyre nuk u kthyen më! Kjo për shkak të shumë arsyeve, nisur nga siguria për jetën e deri tek e ardhmja e sakrificës së tyre për një jetë më të mirë.

Në vitet 96-97-98 e deri më 2000-jë, me vendosjen e një kushtetute të re, të ratifikuar në vitin 98, si dhe me vitin e errët 97-të, eksodi njohu sërrish ikjen e madhe (të mos harrojmë Otranton e famshme që u mbytën mijëra vetë se donin të iknin për Itali).

Nuk u tha kurrë nga asnjë qeveri e 28 viteve se sa ishte numri real i ikjes së shqiptarëve nga vendi i tyre, por ajo që dihej botërisht ishte se Shqipëria kishte 3 milion banorë të dalur nga kthetrat e “diktaturës” si dhe 28-të mijë dëshmorë për çdo metër katror! Pra, kjo statistik natyrisht ishte e sajuar nga lart sepse as ata nuk e dinin vetë se sa popullsi kishin që nga fillimi i vitit 91 dhe më pas.

Pas viteve 2000-jë u njoh një bum investimi të ekonomisë në disa sektore të centralizuar, si ndërtimi, media, import-eksporti dhe droga. Këto sektore natyrisht ishin në duar të kontrolluar, pasi një grusht njerëzish në politik kontrollonin gjithçka dhe nëpërmjet krimit të organizuar mundonin të mbanin të shantazhuar çdo kënd që i’u prishte planin e formuar që me firmosjen e marrëveshjes së Katovicës së famshme.

Në 2010-të e mësipër, kur pushteti i së djathtës u lëkund nga video Meta-Prifti, ngjarja e 21 Janarit do shënonte një tjetër damkë për arratisjen nga Shqipëria e shumë familjeve, madje disa prej tyre edhe me punë të mirë dhe intelektualë në pozicionet e tyre, prej tyre edhe gazetarë. 2013-ta pozicionoi marrëveshjen e 1 prillit më saktë dy marrëveshje, ajo e kalimit të pushtetit nga e djathta në të majtë, si dhe bashkimin e Metës me Ramën a thua se asgjë nuk kishte ndodhur më përpara midis tyre. Fal Ramiz Alisë erdhi Berisha, Nano dhe Meta. Dhe fal Fatos Nanos erdhi edhe Edi Rama si i fundit i Mohikanëve të Katovicës. Por fal Berishës Basha dhe këta të tjerët, sot po mbahen në këmbë si shkatërrimtarët dhe zullumqarët e pashoq për t’a çuar atë vend drejt përfundimit final!

Sot, Shqipëria është bërë përshesh nga ikjet e shumta, madje madje, thuhet se pas disa vitesh popullsia e atij vendi do të shkoj deri në 500 mijë banorë, as më pak dhe as më shumë sa të disa fshatrave në Greqi apo të ndonjë qyteze të lodhur andej nga Italia e Jugut.

Numri rekord i 376 mijë aplikantëve vetëm për lloton Amerikane, korespondon një shifër alarmante për të ardhmen e atij vendi. E të thuash pastaj se operacioni fshesa ndodhet vetëm në vendet fqinje, duket sikur po shtrembërojmë një realitet të madh e të errët që nuk do zë dhe as figurë për t’u parë e dëgjuar.

Të thuash pastaj, se demokracia në Shqipëri funksionon vetëm nga një krah sepse krahu tjetër është pjellë e komunizmit, atëherë ne si shqiptarë kemi seriozisht probleme me vetëveten, pasi akoma nuk kemi arritur të kuptojmë dhe “ndoshta” sdo e kuptojmë kurrë lojën e mafies politike të Katovicës, që i’u është vën pas çdo shqiptari për t’a përzën nga vendi i tyre. “Ndoshta” askush sdo e ketë guximin t’a thotë haptazi se cili ishte armiku më i madh i Shqiptarëve dhe i Shqipërisë, Berisha, Meta, Basha apo Rama! “Ndoshta” askush sdo e ketë guximin që të përballet me Ta seriozisht dhe duke mos pranuar largimin nga vendi.

“Përderisa jemi me “ndoshta”, le të shpresojmë që një ditë të bukur me diell të reflektojmë e t’ju kërkojmë ndihmë popullit Rumun që të vijnë dhe të na e spastrojë vendin nga kjo mafie politike, përpara se ajo të spastrojë edhe shqiptarin e fundit nga banesa e tij sepse ne nuk jemi të zot për të rreaguar ashtu siç duhet.”

Le të shpresojmë tek ajo ditë për t’mos u njohur me tragjedinë e madhe që do të kanoste seriozisht vendin e Shqiponjave, duke e kthyer atë në vend korbash e shkretëtire…!!

Pasi të ikin të gjithë shqiptarët nga Shqipëria pastaj le t’a lem politikën të flas për krim të organizuar gjithë ditën, kur do të dihet shumë mirë se krimi i organizuar dhe mafia janë po ata që drejtojnë politikën e atij vendi duke trashëguar brezat e tyre që nga viti 1945-së e deri në ditët e sotme. Tradhëtia nuk ka brinja që të quhet djall, por ka vetëm një emër dhe ajo quhet mafie politike!!