Левица се оградува од качулките, очекува провокатори вечерва
Партијата Левица се оградува од протестантите со црни качулки кои ги напаѓаа полицајците и тврди дека власта подготвува за вечерва провокатори, за да го искористи тоа за да се справи со протестите.
-Откако вчера квислиншката власт се соочи со искрениот револт на народот, сега се обидува со перфидни методи да даде друга димензија на протестите – во нивниот препознатлив манипулативен и спинувачки стил.
Благодарение на совесни вработени во службите, до нас пристигна информации дека власта има сериозни намери да вклучи провокатори во протестите. Се со цел да предизвикаат сериозни нарушувања на јавниот ред и мир за да ги оправдаат нивните полициско-репресивни активности и да се обесхрабри македонскиот народ да дојде да го изрази правото на протест против националните предавства.
Ваквите методи на делување не се воопшто за изненадување кога станува збор за тоталитарен и хибриден режим. Нашите членови во ниту еден момент не ја загрозија безбедноста на полициските службеници вчера, ниту пак фрлаа со тврди предмети – а така ќе биде и на денешниот протест.
Потенцираме дека членовите на Левица не носат фантомки, а секое лице кое во таква форма ќе биде забележано ќе биде изолирано и нема да му се даде поддршка во неговите активности.
СДС нема никаков легитимитет да говори за насилство на протести – затоа што сиот народ е свесен на каков начин дојдоја на власт!Кога неправдата станува закон – отпорот станува должност, реагираат од Левица, практиочно оградувајќи се од можните насилства однапред. Аласиев инаку лично најави дека ввечерава ќе има две изненадувања, од кои едното е најверојатно протест пред резиденцијата на претседателот.