Круг од црвена светлина се појави над Јадранот – научниците објаснуваат
Овој природен феномен се смета за исклучително редок, а сега е забележан во централните делови на Италија и Јадранот.
Над централниот дел на Италија и Јадранот ноќта на 27 март можеше да се види прстен од црвено светло што личеше на сцена од научно-фантастични филмови, пишува National Geographic.
Иако според сведоците овој феномен траел кратко, фотографот Валтер Биното успеал да направи фотографии, кои станале вирални и започнале еден куп теории. Сепак, научниците набрзо се јавија и објаснија за што се работи.
Eerie ring of red light flashes like a massive UFO above Italy. What was it? 🤔https://t.co/p35q2cO1Zr pic.twitter.com/B2az9wKS7R
— Pooetryman (@POOetryman) April 5, 2023
Феноменот е познат и како – емисија на светлина и многу ниска фреквентна пертурбација поради извори на електромагнетни импулси или скратено ELVE. Дијаметарот на кругот во овој случај бил 360 км, а тој претставува вид на пертурбација создадена во стратосферата или мезосферата поради интензивната електрификација на грмотевиците. Со други зборови, кога електромагнетни пулсирања на молња ќе ја погодат јоносферата на нашата планета во нејзините горни делови, се појавува црвено светло.
За прв пат се снимени во 1990 година, а причината за тоа лежи во тоа што најчесто се видливи само од вселената. Експертите тврдат дека неколку од нив биле снимени со леќите на камерите на НАСА, но дека оваа ја претставува најдобрата слика од Земјата. И сето тоа благодарение на моќната бура што ја погоди Анкона и произведе моќни електрични ударни бранови.