Ковачевски и Таравари ќе договараат влез на Алијанса во Владата
В.д. претседателот на Алијансата за Албанците, Арбен Таравари денеска на пладне во Владата ќе се сретне со премиерот Димитар Ковачевски. Средбата ја најавија од Алијанса за Албанците од каде информираа дека се очекува да се разговара за влез во владината коалиција.
Според информациите, понудата од Ковачевски ќе биде три министерски позиции за Алијанса да стане дел од владиното мнозинство. Неофицијално има неколку комбинации на ресори кои Ковачевски ќе ги стави на маса пред Таравари и притоа по еден ресор ќе треба да отстапат СДСМ, ДУИ и Алтернатива.
Ако Алијанса одлучи да влезе во Владата парламентарното мнозинство ќе се зголеми за плус осум и ќе брои 72 пратеници.