Коњот на Сер Алекс Фергусон победи и освои милион долари, погледнете како реагираше Шкотланѓанецот

Легендарниот менаџер на Манчестер Јунајтед, Сер Алекс Фергусон оствари уште една голема победа, но овој пат на коњската патека каде неговиот коњ „Spirit Dancer“ втора година по ред триумфираше во Бахреин и освои милион долари.
Коњот на Фергусон блесна во најдобро издание, иако овојпат беше аутсајдер, а легендарниот Шкотланѓанец не го криеше задоволството откако неговиот миленик прв ја мина целта.

Champion again ‼️

Sir Alex Ferguson’s SPIRIT DANCER wins his second #BahrainTrophy! 🇧🇭 pic.twitter.com/priLt5yUeO

— World Horse Racing (@WHR) November 15, 2024

Иако беше зад лидерите од почетокот на трката, коњот на Фергусон стигна до победата со молскавична завршница, а Сер Алекс по трката изјави:
“Не верував, мислев дека нема да успее. И наместо тоа, најде сила уште еднаш да победи. Беше неверојатно”, изјави Фергусон, кој исто така го пофали џокејот.

They’ve done it again! Spirit Dancer lands the Bahrain International Trophy for @OrrOisin, @RichardFahey and Sir Alex Ferguson and co! @BahrainTurfClub pic.twitter.com/t0mOB8bSc5

— At The Races (@AtTheRaces) November 15, 2024

Сер Алекс Фергусон долго време е љубител на трките со коњи, а откако се повлече од фудбалот, целосно се посвети на својата голема страст.
Фергусон, најголемиот менаџер на Манчестер Јунајтед на сите времиња и според многу мислења најголемиот експерт на сите времиња, ги предводеше „црвените ѓаволи“ до 13 титули во лигата и две титули во Лигата на шампионите.