Конечно и Висконсин ја потврди победата на Џо Бајден

Победата на Џо Бајден на бојното поле во државата Висконсин беше потврдена во понеделникот по делумното пребројување на гласовите, што само му додаде на неговата разлика од 20.600 гласови над претседателот Доналд Трамп, кој вети дека ќе поднесе тужба со цел да ги поништи резултатите.

Гувернерот Тони Еверс, демократ, потпиша сертификат со кој заврши процесот по извештајот што го прикажува Бајден како победник по пребројувањето, а беше одобрен од претседателката на двопартиската изборна комисија во Висконсин. Потписот на Еверс е потребен според законот и обично е процедурален чекор кој не привлекува многу внимание.

„Денес ја извршив својата должност да ги потврдам изборите од 3 ноември“, рече Еверс во изјавата. „Сакам да им се заблагодарам на нашите службеници, изборни администратори и работници за избори низ целата држава што работеа неуморно за да обезбедат безбедни, фер и ефикасни избори. Ви благодарам за целата добра работа“.

По ова започнува петдневен рок Трамп да поднесе тужба, за која тој вети дека ќе дојде најдоцна до вторник. Трамп подготвува далекусежен обид да ги поништи резултатите со дисквалификација на дури 238.000 гласачки ливчиња. Адвокатите на Трамп тврдат без докази дека имало широко распространета измама и незаконска активност.

Кампањата на Бајден соопшти дека пребројувањето на гласовите покажало дека Бајден решително го освоил Висконсин и немало никаква измама. Дури и ако Трамп беше успешен во Висконсин, 10-те гласови на Државниот изборен колеџ нема да бидат доволни за да се поништи целокупната победа на Бајден, бидејќи државите низ целата земја ги потврдуваат резултатите. Претходно во понеделникот, официјални лица од Аризона ја потврдија тесната победа на Бајден во таа држава.

Трамп плати 3 милиони американски долари за пребројување на гласовите во окрузите Дајн и Милвоки, двата најголеми демократски окрузи во Висконсин, но пребројувањето на гласовите го зголеми водството на Бајден за 87 гласа. Бајден победи на национално ниво со скоро 20.700 гласови. (АП)