Клевета и „тешка ментална болка“ : Ана Нетребко го тужи Мет за 360 илјади долари

Њујорк– Славната руска сопранистка Ана Нетребко бара од Метрополитен операта 360.000 долари компензација за прекршување на договорот, клевета и „тешка ментална болка“.

Што се случува?: Ана Нетребко требаше да се појави во 40 изведби во Мет операта во сезоните 2024-25 и 2025-26. Таа требаше да го добие највисокиот хонорар на Мет од околу 15.000 долари по настап.

Зошто ја отпуштија?: Питер Гелб, генералниот директор на Мет, тврди дека Нетребко е близок пријател на Владимир Путин и никогаш формално не ја осудила војната во Украина. Таа е фотографирана како држи руски сепаратистички знамиња и го поддржа Путин за претседател во 2012 година.

„Таа зазеде јавен став во период од неколку години“, забележа Гелб во 2022 година.

Што значеше ова за Нетребко?: Адвокатите на Нетребко тврдат дека таа доживеала „депресија, понижување, срам, стрес и анксиозност, и емоционална болка и страдање“, по прекршувањето на договорите. Сопранистката го продаде својот стан во Њујорк со загуба и доживеа критики и отпуштања од други компании, вклучително и Bayerische Staatsoper.

И покрај силниот став на Мет, сопранот треба да се појави оваа сезона во берлинскиот Staatsoper unter den Linden, Државната опера во Виена, Театро ала Скала и Париската опера. (Гардијан)