„Кемет Електроникс” ја проширува фабриката во Бунарџик

Со инвестиција од 10 милиони евра американската компанија „Кемет Електроникс” го проширува капацитетот на фабриката во ТИРЗ Скопје 1. Се прави нова линија за автоматско производство на кондензатори за автомобили, како и нова хала, а се отвора и Центар за истражување и развој на нови кондензатори и просторија за тестирање на нови материјали.

Со тоа се предвидува бројот на вработени од сегашните 270 да се зголеми на 500. Според најавите, новата линија треба да биде  пуштена во функција од август годинава, а новата хала да почне да функционира во мај 2022 година.

„Кемет Електроникс” ја отвори фабриката во Скопје во октомври 2012 година. Наменета е за производство на електронски производи наменети за вселенската, авионската, воената и автомобилската индустрија.

Фабриката е лоцирана во технолошко-индустриската развој на зона Бунарџик на површина од 11.000 квадратни метри, од кои  9.000 се производствен капацитет.

Премиерот Зоран Заев  порача дека Македонија добро се справува од финансиска гледна точка во време на пандемијата од корона вирусот.Како што истакна тој, стабилноста на финансиски план е одлична, а таа ќе продолжи по тој пат со новите странски инвестиции во земјава.

„Не сме дестинација за евтина работна слика, платите растат. Гледате дека продолжува да растат и минималните и просечните плати во државата. Тоа се случува и во време на корона вирусот. Голема е финансиската стабилност на државата. Тоа ќе продолжи и во иднина да се случува“, истакна Заев.