КАРАКТЕР: Очајот на Мекграт – тој го загуби златото и отиде во шумата

БОРМИО – Норвежанецот Атле Лие Мекграт ги виде своите надежи за златен медал како исчезнуваат во олимпискиот слалом и реши да ги испрати своите скијачки стапови да пловат заедно со нив.

Откако ги фрли двата стапови преку мрежата, тој потоа се искачи на оградата од страната на патеката Стелвио за да ја започне својата долга прошетка кон дивината. Тоа беше дел од олимпискиот колапс што го претвори машкиот слалом во високо трагичен театар во понеделник.

Како лидер во првата трка, Мекграт беше последен што влезе меѓу првите 30 скијачи. Тој имаше медал на повидок – сè додека не вјавнана капија и не беше елиминиран. Тој изгуби медал, а потоа и контрола врз своите емоции во трката што ја освои Лоик Мејар од Швајцарија.

Откако Мекграт стигна до шумата, седна на снегот, а потоа падна назад, тешко дишејќи. Медицинско лице дојде да го провери.

Мекграт подоцна пристигна во целната зона и си замина без да зборува. „Едноставно е срцекршачки“, рече неговиот тимски колега, Тимон Хауган, кој заврши четврти. „Тој прави сè совршено. Направи многу добро прво возење, се стави во позиција да го освои олимпиското злато. Сè прави како што треба, а потоа тоа се случува за 15 секунди“.

Бронзениот медалист. Норвежанецот Хенрик Кристоферсен, го знае чувството. Кристоферсен водеше во слаломот на Игрите во Пјонгчанг во 2018 година, а потоа не ја заврши втората трка.

„На крајот, тоа е уште една скијачка трка. На крајот, тоа нема да ја направи или уништи кариерата на Атле“, рече Кристоферсен. „Тој е одличен скијач. Ако продолжи вака, ќе има голем успех во иднина. Ова е едноставно нашиот спорт.

Така оди понекогаш. Бев во истата позиција и ми се случи истото. И да, боли. Но, така е“.

Кристоферсен го разбира и испадот на Мекграт.

„Тоа е дозволено“, рече тој. „Ова е спорт. Што е спорт без емоции?“

Мејар се чувствуваше исто.

„И јас сум бил на негово место и други пати – слаломот е толку тежок“, рече Мемејар. „Можеш да бидеш најдобар на стартот и да ја закачиш уште првата порта. Убавината на слаломот е во тоа што кога ќе се успее, е прекрасно. Дефинитивно ми беше жал за него, но на крајот, сите пати кога победуваше кога јас скијав – тоа е дел од играта.“

Мекграт се тркаше со тешко срце, бидејќи неговиот дедо почина на денот на церемонијата на отворање. Носеше лента на раката како почит.

„Она низ што помина во последните 10, 12 дена, беше навистина тешко“, рече Хауган. „Тој беше навистина тажен. Почна да се справува подобро и денес поминува низ… треба навистина да го поддржиме денес“. (АП)