JСП Скопје: Автобусите в понеделник ќе возат по неделен, зимски возен ред


Фото: Б. Грданоски

Автобусите од јавниот превоз в понеделник (12 октомври) ќе сообраќаат по неделен, зимски возен ред поради државниот празник 11 Октомври, Ден на народното востание, соопшти денеска Јавното сообраќајно претпријатие (ЈСП) Скопје.

Дежурни ќе бидат три билетарници, односно билетарниците на Транспортен центар и Зелено пазарче кои ќе работат од 7 до 19:30 часот, а од 7 до 13 часот ќе работи билетарницата во Ѓорче Петров, информираат од ЈСП Скопје.