Излезе од болница Иван кој се спаси од морските длабочини благодарение на детска топка
Триесет годишниот Иван кој од длабочините на Егејското Море кај Халкидики се спаси благодарение на изгубена детска топка, денес се чувствува добро и е отпуштен од болницата Папаниколау во Солун, каде што беше хоспитализиран од неделата напладне, објави грчкиот портал Protothema,
Лекарите велат дека тој е во одлична состојба и може да патува, односно да си оди дома со членовите на семејство.
Според информациите на protothema.gr, неколку часа пред лекарите да го пуштат, бил лекуван поради тешка дехидрација. Иван, одговарајќи на прашањата на грчките новинари рече дека со морските бранови се борел околу 20 часа.
„Сакам да им се заблагодарам на луѓето кои учествуваа во моето спасување. Посебна благодарност до хеликоптерските екипажи и луѓето на чамците кои ме презедоа“, им рече 30-годишниот Иван на новинарите додека ја напушташе болницата Папаниколау.
Според неговите блиски, Мартин отишол на Халкидики со група од десетина луѓе на одмор и да го прослави роденденот на 30-годишниот Иван.
Роднините апелираат до сите да не ја прекинуваат потрагата. Тие според грчките медиуми се вознемирени бидејќи се информирани дека според сегашната законска рамка во Грција, крајбрежната стража ја прекинува потрагата по исчезнатите лица по 72 часа.