Инфлацијата во ЕУ во септември на ново рекордно ниво
Инфлацијата во ЕУ силно забрза во септември, достигнувајќи ново рекордно ниво од 11 отсто, покажа извештајот на Евростат.
Годишната стапка на инфлација во ЕУ, мерена со хармонизираниот индекс на потрошувачките цени (HICP), достигна 10,9 отсто во септември, што е ново највисоко ниво откако Европската статистичка служба почна да објавува податоци.
Во август таа изнесуваше 10,1 отсто.
Во еврозоната се искачи од 9,1 на 9,9 отсто, што е исто така ново највисоко ниво откако Евростат ги објавува извештаите, потврдија новите пресметки.
Во септември минатата година стапката на инфлација во ЕУ беше 3,6 отсто, а во еврозоната 3,4 отсто.
Новите рекордни годишни стапки на инфлација се резултат на континуираниот силен раст на цените на енергијата, за 40,7 отсто во областа на примената на заедничката европска валута, покажуваат табелите на Евростат. Во август тие се зголемени за 38,6 отсто.
Повторно силно поскапеа и свежата храна, за 12,7 отсто во однос на ланскиот септември. Во август беше поскапо за 11 отсто од истиот месец лани, пренесува СЕЕбиз .
Во однос на август, стапката на инфлација е зголемена во 20 земји-членки, во шест паднала, а во една остана непроменета.
Во септември потрошувачките цени најмногу пораснале на Балтикот, за 24,1 отсто во Естонија, за 22,5 отсто во Литванија и за 22 отсто во Латвија.
Во Хрватска, годишната стапка на инфлација, мерена со ХИЦП, во септември изнесува 12,6 отсто и е непроменета во однос на август. Во септември минатата година изнесуваше 3,5 отсто.
Најблиску до Хрватска според стапката на инфлација во септември беа Грција и Белгија, каде таа изнесуваше 12,1 отсто.
Германија, најголемата европска економија, беше еднаква на просекот на Унијата.
Италија, третата по големина економија, имаше инфлација од 9,4 отсто.
Франција забележа убедливо најслаб раст на потрошувачките цени во септември, од 6,2 отсто. Малта и Финска го задржаа своето место во групата со најниски стапки на инфлација, со раст на потрошувачките цени од 7,4, односно 8,4 отсто.