„Имаше срце на лав“. Холивуд тагува по смртта на Шенон Доерти

Холивуд тагува за смртта на актерката Шенон Доерти која почина на 53-годишна возраст по долгогодишна борба со ракот.

Доерти, која глумеше во легендарните  серии како што се Беверли Хилс, 90210 и Charmed, почина во саботата, 13 јули, изјави претставник.

„Со тешко срце ја  потврдувам смртта на актерката Шенен Доерти. Во саботата, на 13 јули, таа ја загуби битката со ракот по долги години борба со болеста“, се вели во изјавата на претставник.

„Посветената ќерка, сестра, тетка и пријателка беше опкружена со нејзините најблиски, како и со нејзиното куче Боуви. Семејството бара приватност во овој момент за да може да тагува во мир“, се вели во соопштението.

Холивудската заедница, во која Доерти беше дел уште од мала кога ја глумеше Џени Вајлдер во „Малата куќа на преријата“, реагираше со тага и шокираност. Нејзината улога на Бренда во „Беверли Хилс, 90210“, која веројатно беше нејзината најзначјна главна улога, ја предводеше почитта од нејзините колеги во серијата.

„Шокиран и тажен кога слушнав за смртта на мојата пријателка Шанон. Таа беше сила на природата и ќе ми недостига. Испраќам љубов и светлина на нејзиното семејство во ова мрачно време“, рече на Инстаграм Џејсон Пристли, кој го играше Брендон Волш во хит серијата од 90-тите.

Керол Потер, која ја играше матриархот на семејството Волш, рече дека е шокирана и тажна.

“На какво патешествие беше! Замина прерано. Во текот на целиот период таа остана верна на себе и ни даде пример за храброст и истрајност во соочувањето со сопствената смрт. Нека почива во мир”, напиша таа на Инстаграм.

Габриел Картерис, која го глумеше ликот на Андреа Цукерман во саканата тинејџерска драма, исто така го сподели своето сочувство. Таа се повика на споменот на актерот Лук Пери, кој глумеше како Дилан Мекеј – вистинската љубов на Бренда – кој почина во март 2019 година од голем мозочен удар. Тој имаше 52 години.

„Толку млада – толку тажна.  Знам дека Лук е таму со раширени раце да те сака“, напиша таа на Инстаграм.

Брајан Остин Грин, кој го играше Дејвид во серијата, тагуваше за Доерти како негова сестра.

“Шан. Мојата сестра. Ти ме сакаше низ се. Ти беше голем дел од моето разбирање за љубовта. Ќе ми недостигаш повеќе отколку што знам како да обработам во моментов. Ти благодарам за подарокот од тебе”, напиша Грин на неговата приказна на Инстаграм.

Роуз Мекгован, која ја замени Доерти на „Charmed“ каде што ја играше Пру Халивел три сезони, рече дека Доерти „имаше срце на лав“.

„Страста за занает често погрешно се означува како неволја. Шанен беше страст. Ја запознав во 90-тите и бев воодушевена. Запознавањето со неа подоцна во животот, прекрасен подарок. Оваа жена се бореше да живее“, рече Мекгован во описот на Инстаграм

„Шенон знаеше да биде ѕвезда бидејќи беше таква уште од детството. Нејзината работна етика инспиративна до крај“, продолжи објавата.

Мекгован ја почести Доерти како „сила на енергија“ која ќе живее вечно.

„Почивај сега воин“, рече таа.

Актерката Оливија Ман, која отворено ја раскажува својата битка со ракот, рече дека покојната актерка се соочила со својата дијагноза „со толку достоинство, сила и благодат“.