Хрватски полицајци киднапирале и претепале мигранти, едниот останал инвалид

Група бегалци кои барале азил била злоставувана од хрватската полиција на границата со Босна и Херцеговина минатиот месец, соопшти денеска хуманитарната организација Амнести Интернешнл (АИ).

„Шеснаесет лица од Авганистан и Пакистан биле киднапирани, претепани и врзани од страна на хрватски полицајци, кои потоа им размачкувале храна по раните“, соопшти Амнести по сведочењето на шестмина бегалци.

Десет мажи се здобиле со сериозни повреди, вклучувајќи скршеници на коските и повреди на главата, а на на една од жртвите оттогаш му е потребна инвалидска количка.

Според сведочењето на жртвите, меѓу осум и десет полицајци во црни униформи ги злоставувале бегалците во текот на ноќта меѓу 26 и 27 мај недалеку од Плитвички Езера, пренесува „Јутарњи лист“.