Хрватска компанија за криптовалути измами инвеститори за над 70 милиони евра, директорот исчезна

Риечката трговска компанија за криптовалути BitLucky, наводно, оштетила околу 1.000 инвеститори за десетици милиони евра во криптовалути (проценета на околу 70 милиони евра), а нејзиниот директор Лука Буразер, кој управуваше со компанијата до средината на мај, е недостапен за јавноста, пренесува „Индекс“.

Буразер во мај преку електронска пошта ги информирал своите клиенти дека ја довел компанијата во состојба на криза преку низа лоши одлуки, а иако рекол дека ќе биде достапен на својот мобилен телефон, оттогаш, според хрватскиот портал, му се губи трагата.

Во 2017 година, Буразер основаше компанија која беше задолжена за размена на криптовалути на централизирани берзи.

На клиентите им вети деловна практика во која се инвестираат 20 отсто, сума што може да се изгуби, додека остатокот е во т.н. „ладен паричник“ и осигуран од загуба.

Откако ја објави лошата состојба на компанијата за криптовалути, Буразер го исклучи својот телефон, престана да одговара на е-поштата на клиентите и ги избриша сите профили на социјалните мрежи.

Сметката на компанијата е „исчистена“ и моментално е блокирана.

Имаше и приказни дека станува збор за таканаречена Понзи шема и дека Буразер воопшто не инвестирал пари во тргување со криптовалути, туку плаќал профит на претходните клиенти за криптовалути преку инвестирање на следен клиент.

Никој не знае каде се Буразер и неговата вереница Ведрана Голошин, која била секретарка, како и коосновачот на компанијата Еуген Траваља, со кого се кријат неговата сопруга и малото дете, пренесува „Блиц“.

Се шпекулираше дека заминале од Хрватска, но Буразер за „Јутарњи лист“ изјави дека не се во бегство, туку дека се криеле за да останат живи.

Голем број инвеститори поднесоа кривични пријави, а нивните адвокати испратија десетици поднесоци.

Од Полициската управа Приморско-горанска велат дека имаат одредени сознанија и потврдија дека граѓаните им се обратиле за помош и дека во тек е кривична истрага.

Извештајот го доставија до државното обвинителство од каде рекле дека не можат да дадат информации за случајот во текот на истрагата и другите дејствија.

„Индекс“ се обиде да стапи во контакт со директорот на компанијата, но безуспешно. Телефоните се недостапни, а се уште немаат добиено одговор на мејлот.