На граѓанската трибина на СДСМ и Коалицијата во Крушево, кандидатот за градоначалник Томе Христоски ги презентираше своите планови и достигнувања, нагласувајќи дека Крушево е симбол на заедништво, напредок и визија.
-Вечерва сме собрани сите заедно со една голема причина да ја потврдиме довербата што ја градевме заедно изминативе години. Да покажеме дека Крушево е симбол на заедништво, напредок и визија. Јас сум горд што сум вашиот градоначалник, горд што сум вашиот кандидат за нов мандат и горд што зад мене стои тим советници од СДСМ партијата која секогаш знаела да води, да создава и да реализира со дела токму тука во Крушево, истакна Христоски.
Во своето обраќање, тој ги посочи клучните проекти реализирани во изминатите години како што е изградба на резервоари и пумпни станици, реконструкција на фекална и атмосферска канализација во околните села, современ мониторинг на водоснабдувањето и обезбедување на чиста вода, реконструкција на патишта до природни легенди како Крушевско Езеро и Мечкин Камен, како и локални и регионални патишта и други.
Христоски нагласи дека успешните проекти се резултат на заедничка работа и посветеност, а дека иднината носи нови амбициозни планови:
-Ова е нашата визија Крушево кое е модерно, европско, напредно, чисто и полно со живот. Ова не е само програма, ова е животна шанса за секој од нас. Разликата е јасна – каде беше Крушево до 2017 и каде е денес. Денес е модерен град, гордост и симбол на Македонија, подвлече Христоски.
Тој ги повика граѓаните од сите етнички заедници на 19 октомври заедно да го дадат својот глас за продолжување на развојот и напредокот на Крушево.
-Јас не ветувам невозможни работи. Јас ја ветувам истата чесност, иста енергија и иста борбеност како и изминативе осум години. Ветувам дека ќе бидам вашиот глас, вашиот сојузник и вашиот искрен и отворен градоначалник, како и досега. Сега е моментот повторно да застанеме заедно. Да го зачуваме она што го изградивме и да продолжиме уште посилно, уште похрабро и уште поодлучно. Најдоброто за Крушево допрва доаѓа, порача Христоски.
Лидерот на СДСМ, Венко Филипче ја најави победата на Христоски, кој во изминатите два мандати, како што рече, го претвори Крушево во вистински пример за локален развој и функционална општина.
„Томче успеа да го направи тоа што пред повеќе години изгледаше дека е невозможно, Крушево на светската спортска и туристичка мапа. Покажа што значи да се биде градоначалник за граѓаните. Затоа е и два мандати, а ќе има и трет мандат. СДСМ ќе има победа во Крушево, Томе повторно ќе биде тука за вас, крушевчани – со отворени врати за секој ваш проблем и за сè што значи подобра, поуредена и пофункционална општина“, порача Филипче.
Во обраќањето пред граѓаните, Филипче нагласи дека Крушево денес е препознатлив бренд на развој, чиста животна средина, култура и туризам, благодарение на 68 реализирани капитални и локални проекти во изминатите осум години.
Како што кажа Филипче, развојот на Крушево продолжува со четиригодишната програма на
кандидатот Томе Христовски, развојот на Крушево.
„Крушево ќе продолжи да живее од туризмот и овие политики за развој на турзимот ќе продолжат. Во Програмата за Крушево се содржани инфраструктурни инвестиции во обрзованието, во спортот. Ќе има ново полетувалиште „Црн Врв“ со два терени за параглајдинг и нови планински и велосипедски патеки со дигитална мапа. Поддршка ќе за ранливите категории, за изнемоштени лица. И уште многу проекти за вас граѓаните“, рече Филипче.
Тој во обраќањето, ги повика граѓаните да гласаат за бројот 5 , за Томе Христовски, да гласаат за напредок на Крушево.
„Томе останува со вас, со отворени врати и уште посилна енергија, за Крушево што го сакаме сите. Ако сакате Крушево да продолжи напред, изборот е јасен – Томе Христоски“, порача претседателот на СДСМ, Венко Филипче.
Според него за 8 години во Крушево се реализирани 68 капитални и локални проекти од страна на локалната власт и градоначалникот.
„За 8 години, реализирани се значајни проекти во сите области – водоснабдување, инфраструктура, реконструкција на училишта и градинки, субвенции за средношколци, развој на туризам, проекти за чиста животна средина и подобрени комунални услуги, рехабилитација и асфалтирање на патишта и улици, реновирање на спортски сали и изградба на игралишта – сето тоа го подобри квалитетот на живот и го издигна Крушево“, рече Филипче.
Меѓу многуте реализирани проекти како што кажа Филипче е и модернизираното и проширено Полетувалиштето кое туристичка атракција, комплетно модернизирано улично осветлување, изградбата на нови резервоари, нови пумпни станици, заменета водоводната мрежа, домаќинства се приклучени на нови системи, и уште многу други капитални проекти.
„Резултатите од работата на Томе за Крушево, зборуваат сами за себе.Не како градоначалниците на ВМРО-ДПМНЕ – тие се само извршители на договорите на Мицкоски.
