Големи инвестиции и поддршка за спортските клубови најавува Трајановски

Спортот отсекогаш бил важен дел од животот во нашата општина. Тој нè учи на дисциплина, фер-плеј и заедништво, а како голема гордост на Аеродром, канидатот за градоначалник од редовите на СДСМ, Александар Трајановски го гледа кошаркарскиот клуб МЗТ Скопје.

„Овој клуб е симбол на посветеност, успех и упорност, и претставува нешто повеќе од спорт, тој е дел од нашиот локален идентитет. Како градоначалник, ќе направам МЗТ да има силна институционална поддршка од општината, за да продолжи да расте, да се развива и да ги радува генерациите што израснаа со љубов кон кошарката. Ќе ја вратиме младинската школа од каде што ќе излегуваат повторно новите млади таленти од Аеродром и МЗТ. И конечно да го вратиме МЗТ во Јадранската прва лига, таму каде што му е местото“, вели Трајановски.

Најави и  значајна поддршка и кон ФК Аеродром и сите клубови на територија на општина Аеродром.

„Ќе вложуваме во младите и во спортската инфраструктура. Ќе изградиме нови игралишта, ќе ги обновиме постојните терени и ќе овозможиме подобри услови за училишниот и младинскиот спорт“, додава тој.

Сакаме секое дете во Аеродром да има можност да тренира, да се развива и да сонува за големи спортски успеси.