Германската фабрика на „Тесла“ наскоро ќе ги произведе првите електрични автомобили

Првата европска фабрика „Тесла“ треба да ги произведе првите електрични автомобили за неколку недели. Со ова, Елон Маск го раздвижи европскиот пазар на автомобили и предизвика бес на лице место

Сива гигантска фабрика од челик и бетон блеска меѓу дрвјата додека човек вози по автопатот. Кога Елон Маск ја објави изградбата на фабриката пред речиси две години, тука ратеа борови дрвја. Сега огромната „Гига -фабрика“ на американскиот технички пионер е реалност. Првите електрични автомобили би требало да излезат од монтажната линија тука за неколку недели. Неверојатен потфат во земја во која често се потребни шест години да се изгради ветерница за производство на електрична енергија, пишува Дојче веле, пренесува регионалниот бизнис портал СЕЕбиз.

Оваа сабота, Маск организира „фолк -фестивал“ со околу 9.000 посетители во фабриката во Гранхајде, славејќи го потфатот што го потресе европскиот автомобилски пазар. Шефот на Фолксваген, Херберт Дис на почетокот на октомври објави на Твитер: „Ние сме подготвени!“, мислејќи на пресметката со „Тесла“. Во исто време, „Тесла“ руши рекорди на берзата, со оглед на прометот и бројот на продадени автомобили. Маск ги воодушеви политичарите во Бранденбург и на федерално ниво. За овој регион, фабриката за автомобили која ќе вработи до 40.000 луѓе е „како добивка на лотарија“, вели градоначалникот на Гронајде, Арне Кристијани.

Но, не се сите воодушевени од изградбата на голема фабрика пред портите на Берлин. Штефен Шорхт од Граѓанската иницијатива Гронхајде од блискиот мост гледа со загриженост на џиновското градилиште каде што до речиси завршената главна зграда стои само костурот на друг објект. Тоа ќе биде фабрика за батерии, веднаш до фабриката за автомобили. Како и другите критичари, Шорхт, исто така, се жали на штетата за животната средина.

За новата фабрика, не се исечени само 90 хектари борова шума. Се гради делумно во област за заштита на водата, а Шорхт се плаши не само од загадување на подземните резервоари, туку и од прекумерна потрошувачка на вода. Бидејќи, Тесла има намера наскоро да произведува околу 500.000 автомобили годишно во Гранхајде, почнувајќи од моделот Y.

Можни несреќи во фабриката, сообраќај за испорака, сообраќај поради доаѓање и враќање од работа, загадување на животната средина – сето ова ги загрижува критичарите. Противниците се особено разгневени од брзината со која се изгради фабриката, и покрај сите приговори на критичарите. За Маск, се беше премногу бавно, тој честопати брзаше, се жалеше на бавноста на процесот на дозволи. Но, и покрај тоа, тој може да продолжи да гради. Бидејќи, за таа област, градежниот план беше прифатен пред 20 години, тогаш фабриката требаше да ја изгради БМВ, но тој германски производител на автомобили сепак се одлучи за друга локација. Властите ѝ дадоа на Тесла таканаречени рани дозволи, кои се можни со позитивна прогноза за проектот, иако студијата за влијанието врз животната средина се уште е во тек.

Последната дозвола за целиот проект се уште не е добиена, стотици жалби се разгледуваат до средината на октомври. Маск живее под ризик да мора да отстрани се ако властите сепак одбијат да издадат дозвола. Но, тој веќе потроши голема трицифрена сума во милиони долари за изградба на фабриката”, вели Шорхт.” Кој ќе каже дека се треба да се отстрани?” Постојат факти создадени во „легалната сива зона“, велат критичарите. „Фабриката е изградена“, вели Мајкл Ганшоу од Зелената лига во Бранденбург. Сите претходни тужби пропаднаа.

Затоа и поддржувачите и критичарите очекуваат фабриката наскоро да добие зелено светло. Премиерот на провинцијата Бранденбург, Дитмар Воидке (СПД) за германската новинска агенција ДПА изјави: „Ако дебатата оди добро и приговорите се добро обработени, мислам дека е можно оваа година да се донесе одлука за конечната дозвола“.

Воидке е воодушевен од проектот, за кој вели дека го привлекува вниманието на Бранденбург „низ целиот свет.“ Провинциската влада веќе вети субвенција од 120 милиони евра за фабриката за батерии. Ќе биде издадена до крајот на оваа година. Министерството не соопшти нешто за сумата. Но, весникот „Тагесшпигел“ пишува дека „Тесла“ може да се надева на државни субвенции од околу една милијарда и сто милиони евра.

„Тесла“ првично процени дека трошоците за изградба на фабриката во Гранхајде може да изнесуваат 1,1 милијарда евра. Но, Маск минатата година рече дека ќе се потроши повеќе. Колку пари се потрошени досега, колку луѓе работат на градилиштето и колку веќе се вработени за производство, тие податоци не е лесно да се добијат од „Тесла“. Нема одговор на овие прашања од германската новинска агенција.

„Тесла“ во моментов вреди околу 780 милијарди долари на берзата, многу пати повеќе од традиционалните ривали. Во третиот квартал од оваа година, 241.000 автомобили се испорачани на клиентите, педесет проценти повеќе од минатата година. А, 500.000 автомобили годишно треба да се произведуваат само во Гранхајде, покажуваат амбициите на Маск.

На веб-страницата на Тесла се смешкаат среќни луѓе со заштитни очила и повикуваат да се аплицира за работа: „Гигафабриката Берлин-Бранденбург ќе биде најнапредната фабрика за сериско производство на електрични автомобили во светот“. Покрај тоа, речиси нема ништо друго на страницата.

Градоначалникот Кристијани претпоставува дека фабриката првично ќе вработи 3.000 луѓе, а целиот капацитет ќе достигне околу 12.000. Доколку продолжи проширувањето, според официјалниот план за изградба, би можеле да се вработат 40.000 луѓе. 40.000 на место што во моментов има 9.000 жители – каде да ги донесеме и каде да ги сместиме? Дали овој проект е како некаков економски удар на метеори во идилична општина помеѓу езера и шуми пред портите на германската престолнина?

Тој на тоа гледа „релативно опуштено“, вели Кристијани во неговата канцеларија на третиот кат во градското собрание. Според студиите, 51 проценти од вработените би дошле од Берлин, 35 проценти од Бранденбург, осум проценти од Полска, а останатите од поголеми растојанија … Неговата општина има ограничен простор и може да порасне за околу 3.000 жители. „Гронхајде не сака и не може да биде уште еден Волфсбург“, рече непартискиот градоначалник, кој ја води општината од 2003 година.

Сепак, тој верува дека Гронхајде се соочува со „златно доба“. Првото подобрување е што возот за Берлин сега сообраќа секој половина час. Потоа ги споменува можностите за вработување на младите, изгледите за семејствата, добрата перспектива за децата, споменува пожарникари, планиран здравствен центар, привлечност кон други инвеститори, замислено средно училиште. И, се разбира, даночни приходи. Грунхајде, вели Кристијани, „еден ден ќе биде меѓу најбогатите општини во провинцијата Бранденбург“.