Герасимовски ќе го прави Центар пофункционален и поубав
Кандидатот за втор градоначалнички мандат Горан Герасимовски, најави вложувања во реконструкција на улици, уредување на јавни простори и зголемување на безбедноста на сообраќајот.
„Нови пешачки патеки, декоративно осветлување и повеќе зеленило долж улиците. Тоа е мојата визија, предвидена во новата програма. Приоритет ќе имаат пешаците и жителите, безбедноста е најважна, особено за семејства со деца, постари лица и велосипедисти“, рече Герасимовски.
Еден од поголемите проекти ќе биде целосната реконструкција на улицата „Ленинова“, на потегот од булеварот „Партизански одреди“ до Паркот на франкофонијата.
„Ќе го обновиме она што е започнато со „Ленинова“, по истиот терк како и првиот дел на улицата. Ќе ги обновиме тротоарите, ќе поставиме велосипедска патека и ќе засадиме зеленило долж целата улица“, додаде тој.
Предвидено е и уредување на делот од Градски ѕид, од Зелен пазар до улицата „Македонија“.
„Просторот темелно ќе биде трансформиран со ново хортикултурно уредување, поставување клупи, светилки и уредени пешачки патеки. Ќе има функција на мини урбан парк и ќе го поврзува пазарот со деловниот и станбен дел на општината. Овој потег е исклучително фреквентен и неговото уредување ќе има директно позитивно влијание врз секојдневието на илјадници граѓани“, истакна Герасимовски.
Планирани се реконструкции и партерно уредување на над 30 пјацети и улици, меѓу кои „Коле Неделковски“, „Христо Смирненски“, „Коста Веселинов“, „8 Март“, „Наум Наумовски Борче“, и др.
Во изминатите четири години, Општина Центар реконструираше 24 улици, со што се подобри инфраструктурата и се зголеми безбедноста на сообраќајот. На барање на граѓаните се санираше улицата„ Орце Николов“, во делот на „лежечките полицајци.
,,Ги слушаме граѓаните и реагираме таму каде што е најпотребно. Таков беше случајот со улицата „Орце Николов“, која сега, по санацијата, е многу побезбедна“ рече Герасимовски.
„Овие четири години покажавме дека со труд и посветеност можеме многу да промениме. Продолжуваме со нов елан и со јасна визија , да го направиме Центар функционален и поубав, по мерка на секој граѓанин“, заклучи Герасимовски.
„На секаков можен начин се трудиме да покажеме почит кон овие луѓе кои ја вршат најтешката, но и најважната работа во општината и градот. Речиси двојно ги зголемивме платите на хигиеничарите изминативе години, повеќе од половината кои беа непријавени веќе се со регулиран работен однос, а наскоро и останатите ќе бидат пријавени,“ рече Герасимовски.
Во програмата се планира набавка на нова механизација и опрема која ќе им ја олесни работата на хигиеничарите, ќе ја зголеми ефикасноста и ќе овозможи побрзо и поквалитетно чистење на улиците и јавните површини.
,,Со дополнителната механизација која предвидуваме да ја набавиме, 2 цистерни и 5 метларки, чистењето ќе биде поефикасно, но и полесно. Со овие машини и 120 хигиеничари, повеке од сигурен сум сме дека Центар никогаш повеке нема да зависи од други институции. Бевме во агонија цели 4 години со нефункционалноста на ЈП „Комунална хигиена“ и нема да дозволам тоа да се повтори, порача Герасимовски .