Г7, ЕУ и Австралија воведоа ценовни плафони за рускиот дизел и другите нафтени деривати

Групата седум најбогати земји (Г7), Европската унија и Австралија воведоа ограничувања на цените на рускиот дизел и другите нафтени деривати како дел од санкциите против Русија поради нејзиниот напад врз Украина.
Мерката на ЕУ, која стапува на сила на 5 февруари, следи по претходното ограничување на цената на руската нафта, која Унијата, Г7 и Австралија ја ограничуваа на 60 долари за барел сурова нафта од 5 декември.

Коалицијата во петокот објави дека поставила плафон од 100 долари за барел за производите што се продаваат со премија за нафтата, главно дизелот, како и 45 долари за барел за производите што се тргуваат со попуст, како што се мазутот и рафинираната нафта .

Ова е во согласност со нивоата предложени од Европската комисија, објави Ројтерс.

ЕУ им забрани на бродовите на ЕУ да транспортираат руски нафтени деривати, освен ако тие производи не се купени по или под ограничената цена.

Одредбата се однесува и на компаниите кои обезбедуваат техничка, брокерска или финансиска помош, како што е осигурување за товарни бродови што превезуваат руски рафинирани нафтени производи.

Ако брод што плови под знаме на трета земја намерно носи руски нафтени производи чија цена е над границата, ЕУ ќе им забрани на тие оператори да го осигуруваат, финансираат и сервисираат бродот 90 дена откако товарот ќе се истовари.

Бродовите под знамето на ЕУ се предмет на казни според националното законодавство, а Унијата наметнува казни од пет проценти од глобалниот промет на компаниите кои ги прекршуваат санкциите на ЕУ.

Г7 најавија дека во март ќе ја ревидираат одлуката за ограничување на цената на руската нафта, која стапи на сила на 5 декември.