Фото: Шилегов покажа како ќе изгледа новата Универзална сала

Градоначалникот на Град Скопје, Петре Шилегов на својот Фејсбук профил ги сподели првите фотографии кои прикажуваат како ќе изгледа внатрешноста на реновираната Универзална сала.

„Некаде на почетокот на јуни на одговор на новинарско прашање, кажав дека влегуваме во изборна кампања и дека во периодот што следи, ќе се изнаслушаме сѐ и сешто (особено за мене), но и дека немам намера да се занимавам со ниските страсти и изопачената политичка логика на ДПМНЕ, туку дека мојата цел беше, е и ќе биде да се занимавам со проблемите на Скопје и скопјани, кои што скоро 3 децении се таложеа во нашиот град како резултат на нивното некадарно и волунтаристичко водење на градот.

Тие последици, тие проблеми ги решаваме чекор по чекор. Работејќи на вистинските негови приоритети и потреби на граѓаните.

Еден од децениските проблеми, еве веќе се решава. Драги скопјанки, почитувани скопјани, ове е новата внатрешност на Универзална сала !!!

Скопје, една поинаква приказна !“- стои во објавата на градоначалникот.