(ФОТО – ВИДЕО) Избодено до смрт седумнаесетгодишно момче во Ново Лисиче

Во тепачка што се случила доцна синоќа после полноќ малолетник е избоден до смрт во скопската населба Ново Лисиче.

Информацијата ја потврди и Министерството за внатрешни работи, а според нивните информации расправијата која кулминирала со тепачка започнала половина час по полноќ на улицата „Февруарски поход“.

Неколку малолетници од Ново Лисиче започнале расправија со двајца други малолентици која продолжила во физичка пресметка. Осумнаесетгодишно момче во еден момент извадило нож и го прободел една година помладиот Никола.

Прободеното момче со возило на Итна медицинска помош било пренесено во комплексот клиники “Мајка Тереза“ за укажување на лекарска помош, каде починало. Прободувачот е пронајден и приведен во полициска станица. Се работи на расчистување на случајот.

Фото/Видео: Независен весник