Форум за дигитализација на државните универзитети во земјава
Форумот за образовни промени (ФОП) како дел од иницијативата #DigiU денеска ќе организира форум на тема „Дигитализација на државните универзитети во Република Северна Македонија“.
Според најавата на ФОП, меѓу панелистите на форумот ќе бидат министерот за информатичко општество и администрација Aзир Алиу и заменик-министерот за образование и наука Агим Нухиу.
Ќе учествуваат и ректорите на универзитетите во Штип и Тетово, Дејан Мираковски и Куштрим Ахмети, и Христина Спасевска, проректор за настава при Универзитетот „Св. Кирил и Методиј“ – Скопје.