Филипче од Струга: Секој ден лоши економски податоци, со ВМРО-ДПМНЕ економијата бележи само пад

03/10/2025 21:29
Претседателот на Социјалдемократскиот сојуз на Македонија, Венко Филипче, на граѓанската трибина „Се бориме за нашиот дом”, која вечерва се одржа во Струга, истакна дека со погрешните економски политики на ВМРО-ДПМНЕ, секој ден слушаме лоши економски податоци. 
 
„Секој ден добиваме нови лоши економски податоци – пад на индустриското производство, преполовени странски инвестиции, намален број на работници во индустријата за 2,6%“, рече Филипче. 
 
Тој напомена дека власта упорно доцни со повратот на ДДВ, нешто што законски им следува на компаниите и што е потребно за нормално работење и развој на производството.
 
„Со погрешните економски политики, ВМРО-ДПМНЕ ја влоши ликвидноста на компаниите. Околу 12.000 компании доцнат со исплата на плати, некои веќе почнаа да отпуштаат вработени”, потенцираше Филипче. 
 
Тој додаде дека оваа влада ја довела економијата до колапс, нагласувајќи дека ВМРО-ДПМНЕ се грижи само за лични партиски интереси и луксуз, наместо за потребите на народот.
 
„Граѓаните заслужуваат економски раст, сигурни работни места и стабилна држава, а не празни ветувања и неправедни политики“, порача Филипче на граѓанската трибина „Се бориме за нашиот дом”, во Струга.

 

Филипче посочи дека Владата на ВМРО ДПМНЕ не исполни ниту едно ветување за подобрување на економијата и на животниот стандард на граѓаните.

„Христијан Мицкоски ветуваше дека македонската економија ќе била „балкански тигар“, ветуваше повисоки плати, повисоки пензии, нови вработувања. Што гледаме денес? Платите се топат, сметките за струја, за парно растат. Животот на граѓаните е претворен во секојдневни калкулации што да купат, дали да купат или да платат сметките, односно како да го преживеат месецот“, рече Филипче.

Тој додаде дека инфлацијата и натаму ја јаде куповната моќ, а ветената минимална плата од 500 евра сè уште не е реалност.

„Барањата за минимална плата од 500 евра остануваат неисполнети. Само за Мицкоски платите биле доволно високи. За неговиот пулен Трајко Славески оваа сегашна плата и таа била многу. Регионот веќе оди напред, државите преземаат мерки за да си ги заштитат граѓаните. Албанија најави минимална плата од 520 евра, ние останавме на 400 евра“, рече Филипче.

На трибината, Филипче посочи дека секојдневно економските параметри поради лошите политики на власта се негативни. Странските инвестиции се преполовени, статистиката регистрира пад на индустриското производство, за 2,6% е намален бројот на вработени во индустријата. Сето ова , како што кажа Филипче е доказ дека ВМРО ДПМНЕ ја доведе економијата до колапс, што е далеку од нивните ветувања. Со ВМРО ДПМНЕ и на локално и на централно ниво, државата нема иднина, порача  претседателот на СДСМ, Венко Филипче.

Поврзани содржини

Ден по избори се затвора мекедонското небо – контролорите на штрајк
Во ССК формирани четири нови групации: за енергетика, за пожарна заштита, за игри на среќа и за стартап компании
Гасното и коридорското поврзување во фокусот на разговорите на премиерите на Македонија и Србија
Славески: Народната банка е пример за креирање политики засновани на квалитетни податоци и истражувања
ЕК и дел од земјите од ЕУ со различни ставови за префрлањето странски работници од една во друга членка
Нема веќе хартиени карти, „Рајанер“ ќе прифаќа само дигитални авионски влезници
Божиновска: Правиме сè за да ја подобриме енергетската поврзаност со соседите
Андоновски: Работиме на воведување „роаминг како дома“ со Европската Унија

Најчитани