Европа добива нов фудбалски првак – Португалија загуби од Белгија

Роналдо и Португалија испаднаа во осминафиналето на ЕВРО 2020 и нема да ја бранат титулата, Белгија во четвртфиналето против Италија

Фудбалската репрезентација на Белгија се пласираше во четвртфиналето на Европското првенство откако во осминафиналето во Севилја го совлада бранителот на титулата Португалија со 1-0.

Тоа беше судир на светската бронза и европското злато. Имено, Белгија го освои третото место на Светскиот куп во Русија во 2018 година, додека Португалија стана европски првак на турнирот во Франција две години порано. На крајот, прворангираната репрезентација од листата на ФИФА славеше, додека Португалија се прости од одбраната на титулата.
Стрелец на единствениот гол беше Торган Азар во 42-та минута.

Голот на одлуката беше постигнат откако португалската одбрана не успеа да ја расчисти ситуацијата пред својот шеснаесетник, топката стигна до Мејниер, кој го проигра помладиот од браќата Азар, а тој со извонреден удар од 20 метри со внатрешноста на копачката и измами голманот на Португалците.

За Белгија ова е четврто големо натпреварување во кое таа стигна барем до четвртфиналето, по Светското првенство во 2014 и 2018 година и ЕУРО 2016, но пред само три години во Русија отиде чекор напред совладувајќи го Бразил. На последното ЕУРО 2016 во Франција во четвртфиналето, Белгија беше запрена од Велс.

Белгија во четвртфиналето ќе игра против Италија, која во саботата по продолженијата ја совлада Австрија со 2-1. Тој натпревар ќе се одигра в петок, на 2 јули, во Минхен.