ЕВРО2024: Италија прими најбрз гол на ЕП, па со пресврт ја совлада Албанија
![](https://nezavisen.mk/wp-content/uploads/2024/06/evro2024-fudbal.jpg)
Актуелниот европски првак Италија со победа ја почна одбраната на титулата, совладувајќи ја вечерва во Дортмунд репрезентацијата на Албанија со 2-1 во рамки на првото коло во групата Б на ЕВРО2024.
Натпреварот почна шокантно за Италија која по само 23 секунди се најде во резултатска негатива, откако Бајрами искористи кардинална грешка во противничката одбрана и го постигна најбрзиот гол во историјата на европските првенства.
🇮🇹 Italy begin with a comeback win 👏#EURO2024 | #ITAALB pic.twitter.com/btuT9CYc7H
— UEFA EURO 2024 (@EURO2024) June 15, 2024
Италијанските фудбалери брзо се созедоа и по само 16 минути игра го презедоа водството.
Бастони во 11 минута израмни на 1-1, а пет минути подоцна Барела донесе целосен резултатски пресврт и стартна победа за Италија на ЕВРО2024.
Во рамки на групата Б претходно денеска Шпанија со 3-0 ја совлада Хрватска.