Еванс го изненади Хачанов во најдолгиот меч во историјата на УС Опен

Британскиот тенисер Даниел Еванс се пласираше во второто коло на УС Опен, откако го совлада фаворитот Карен Хачанов во маратонски пет сета со 3-2. Мечот во Њујорк траеше пет часа и 36 минути, со што е поставен рекорд за најдолг меч на овој Грен слем турнир во историјата. 

Се играа дури три тај-брејка и трите беа во почетните сетови. Во првиот со 8-6 до предност дојде Хачанов. Веќе во вториот, по израмнетата битка во доигрувањето се истакна Еванс со 7-2. Третиот одново го доби Британецот, со 7-4. 

Следеа уште два долги сета до крајот кои траеја повеќе од еден час. Хачанов со 6-4 успеа да израмни на 2-2, но со истиот резултат го загуби решавачкиот сет и беше елиминиран.