Емери конечно задоволен од Озил

Менаџерот на Арсенал, Унаи Емери го пофали халфот Месут Озил за неговиот напредок во подготовката и презентацијата за време на натпреварите.

На почетокот на оваа година, 30-годишниот Германец не влегуваше често во групата на тимот, а имаше гласини за конфликт со шпанскиот стратег и престојна разделба. Но, неодамна ситуацијата се подобри и Озил се појави на теренот во последните пет натпревари на Арсенал во Премиер лигата. Тој има вкупно 4 гола и 2 асистенции во 19 лигашки натпревари.

– Многу се радувам да работам со таков професионалец како Месут Озил. Тој се претставува одлично во тренинзите и носи големи придобивки за тимот. Сега во тимот има одлична атмосфера, изјави Унаи Емери за „Скај Спортс“.

Во недела, 7 април, Арсенал ќе гостува на Евертон во натпревар од 33-тото коло на Премиер лигата.

„Топџиите“ се на четвртото место со 63 поени.