Експлозија во работилница за огномет – седум мртви (видео)

Во експлозија во нелегална работилница за огномет во централно Мексико, седум лица загинаа, а 15 се повредени, соопштија денеска локалните власти.

„Експлозијата се случи во куќата каде што се произведуваа и складираа пиротехнички средства за огномет“, се вели во соопштението на мексиканската цивилна заштита.

Според првичните информации, седум лица загинале, а 15 се повредени во несреќата во градот Тотолапан, на околу 80 километри од главниот град.

#Morelos #Mexico🇲🇽- Explosion caused by powder keg causes fire at a fireworks workshop in #SanSebastián barrio of #Totolapan, emergency services responding (📹Amaro Reyes) pic.twitter.com/jf1DaDf1Ia

— CyclistAnons🚲 (@CyclistAnons) March 21, 2023

Локалните власти изразија жалење за несреќите кои се вообичаени во нелегалните работилници за производство на огномет.

Во декември 2016 година, неколку експлозии се случија на пазарот за огномети во Тултепек во централно Мексико, при што загинаа 42 лица, а неколку десетици беа повредени.