Едит Пјаф ќе ги спои Селин Дион и Лејди Гага во Париз
![](https://nezavisen.mk/wp-content/uploads/2024/07/selin-dion-ledi-gaga.jpg)
Париз – Селин Дион и Лејди Гага ќе настапат во дует и ќе го изведат класикот „Живот во розово“ (La Vie en rose) на Едит Пјаф, вечерва, на отворањето на Олимпијадата во Париз, кој се најавува како невиден спектакл. Веста ја објавија повеќе реномирани медиуми, но засега не е потврдена од тимовите на пејачките, ниту од организаторите на ОИ.
Церемонијата наместо на традиционалниот стадион ќе се одржи на реката Сена. Селин Дион, исто така, треба да настапи за прв пат откако и беше дијагностициран синдром на вкочанета личност во декември 2022 година.
Гласините за ангажманот на уметниците почнаа да се вртат претходно оваа недела откако Гага и Дион беа забележани во градот на љубовта пред Летните игри. Видеата на социјалните мрежи ја покажаа актерката од A Star Is Born како им мавта на обожавателите од нејзиниот автомобил.
На 23 јули, Variety објави дека Дион пристигнала во Париз во понеделникот во хотелот Royal Monceau во близина на Елисејските полиња, каде што престојува и Гага.
На 25 јули, еден ден пред милиони луѓе да се приклучат на меѓународниот настан со кој започнува Олимпијадата во 2024 година, францускиот новинар Тиери Моро сподели на X дека Дион и Гага го вежбале дуетот „La Vie en Rose“ од Едит Пјаф. Веста ја потврди и TMZ.
„La Vie en Rose“, што во превод значи „Живот во розово“, ја изведе познатата француска пејачка Едит Пјаф. Напишана во 1945 година и објавена како сингл во 1947 година, песната се здоби со меѓународно признание во САД и ширум светот. Беше изведувана од многу уметници, меѓу кои Андреа Бочели, Одри Хепберн, Бинг Крозби, Карла Бруни, Далида, Дин Мартин, Дијана Крал, Грејс Џонс, меѓу другите.
На Гага исто така не и е непозната изведбата на француската балада. Таа ја отпеа „La Vie en Rose“ во романсата/мјузиклот A Star Is Born од 2018 година. Успехот на филмот и помогна да постигне историска пресвртница, правејќи ја првата жена што освоила Оскар, Греми, БАФТА награда и Златен глобус во една година. (Форбс)