Џенифер Лопез домаќин, Кедрик Ламар со најмногу номинации на АМА 2025
Лас Вегас – Џенифер Лопез треба да се врати на Американските музички награди и како водителка и како изведувач за овогодинешното шоу, кое треба да се емитува во живо од Лас Вегас , денес, понеделник, 26 мај, на CBS, и стриминг на Paramount + во САД.
Лопез има настапувано на АМА повеќе од 10 пати. Има освоено три Американски музички награди: омилен поп/рок женски изведувач во 2003 година и омилен латино изведувач во 2007 и 2011 година. Во февруари 2001 година, Лопез славно стана единствената жена изведувач што го има албумот бр. 1 на Билборд 200 (Џ. Ло) и филм бр. 1 на киноблагајните (The Wedding Planner), симултано.
Раперот Кендрик Ламар води по освоени 10 номинации , вклучувајќи ги и номинациите за изведувач на годината и песна на годината за неговата наградена со Греми диск-песна „Not Like Us“. Песната е дел од долгогодишната расправија меѓу Ламар и колегата хип-хоп ѕвезда Дрејк, кој ја тужеше Universal Music Group за клевета поради нејзиното објавување.
Пост Малоун освои осум номинации, вклучувајќи ја и онаа за омилен машки кантри изведувач и омилен кантри албум за „F-1 Trillion“. Претходно освои награди на AMA во категориите рап/хип-хоп и поп/рок.
Следно на листата се Били Ајлиш, Чапел Роан и Шабузи, кои освоија по седум номинации.
Тејлор Свифт, која освои повеќе награди на АМА од кој било друг изведувач во текот на својата кариера, доби шест номинации во 2025 година.
„Cowboy Carter“ на Бијонсе, која ја освои главната награда на овогодинешните Греми награди, беше номинирана за албум на годината и омилен кантри албум на наградите на АМА. Таа е исто така во трка за омилен женски кантри изведувач.