Димковски: Земјава прва во регионот почнува со ИПАРД 3 програмата
Македонија е прва земја во регионот којашто започнува со ИПАРД 3 програмата, соопшти Трајан Димковски, претседател на Комисија за земјоделие на СДСМ.
-Имаме неповратни 97 милиони евра од ЕУ, пари за модернизација и дополнителен развој на македонското земјоделство.Со помош на ЕУ создаваме нови можности, за многу нови инвестиции за изградба и реконструкција на фарми, оранжерии, амбари, силоси, објекти за земјоделска механизација, објекти и опрема за преработки, за собирање, складирање, ладење, сушење, замрзнување. Нова можност за подигнување на долгогодишни овошни, лозови и други насади, набавка на системи за наводнување, набавка на специјализирани транспортни возила.Нова можност за јакнење на руралните подрачја преку инвестиции за изградба на современа инфраструктура, патишта, пешачки патеки, водовод и канализација.
Од 1 септември веќе започна спроведувањето на новата ИПАРД 3 програма.Една од новостите во новата ИАПРД 3 програма е авансна исплата до 50% од висината на финансиската поддршка, веднаш по потпишување на договорот.Но, крајната цел е нашите земјоделци, нашата економија да доживее напредок, да доживее развој преку остварувањето на полноправното членство во Европската Унија. Бидејќи влезот во ЕУ ќе донесе уште поголеми придобивки и носи уште повеќе финансиски средства од фондовите но и пазарот од 500 милиони жители.Блокадата на европскиот пат е блокада на милијарди евра помош за македонското земјоделство и тоа не смее да се дозволи, порача Димковски.
Испровоциран од денешната пресконференција Цветан трипуновски од ВМРО-ДПМНЕ јавно постави неколку прашања:
• Која е причината што ИПАРД 3 стартува во септември 2023 наместо во март 2022 како што беа првичните најави?
Зошто сѐ уште не е склучена финансиската спогодба помеѓу Европската комисија и Македонија?
• Зашто ги лажете луѓето дека авансно ќе исплаќате средства (потребна е банкарска гаранција во износ од 120-130%)?
• Зошто не ја информиравте јавноста за кои случаи и кои се корисниците за истрагите на ОЛАФ во Платежната агенција?
• Зошто не успеавте повеќе од €10.000.000 да ги искоритите од ИПАРД 2?