Нови 355 заразени: Секој трет тестиран е позитивен на Ковид-19, двајца починаа
Согласно податоците од Институтот за јавно здравје, во последните 24 часа направени се 1.129 тестови, а регистрирани се нови 355 случаи со Ковид-19 и 145 оздравени пациенти. Од вкупниот број на позитивни (355), регистрирани се 89 реинфекции.
Во текот на изминатите 24 часа пријавено е едно починато лице од Скопје (75г), починат во болнички услови.
Согласно регистарот на умрени лица со дијагноза Ковид-19 од „Мој Термин“ регистрирано е едно починато лице од Струга (78г), починат во домашни услови на ден 30.06.2022, соопшти Министерството за здравство.
Од 355 новозаболени од Скопје се 156, Охрид – 32, Битола – 29, Кавадарци – 28, Куманово – 19, Велес – 18, Прилеп – 10, Тетово – 9, Струмица и Кочани – по 6, Гостивар – 5, Штип, Гевгелија, Неготино, Радовиш и Валандово – по 4, Струга – 3, Крива Паланка, Делчево, Дебар, Пробиштип, Богданци и Кратово – по 2, Ресен и Свети Николе – по 1.
Од 145 оздравени пациенти од Скопје се 86, Кавадарци – 12, Куманово – 9, Битола, Прилеп, Гостивар и Штип – по 6, Велес – 5, Кичево – 4, Струмица – 2, Тетово, Гевгелија и Неготино – по 1.
Направени се 1.129 тестови преку: ИЈЗ-99, ЦЈЗ Скопје-32, ЦЈЗ Битола-41, ЦЈЗ Прилеп-14, ЦЈЗ Тетово-32, ЦЈЗ Куманово-31, Клиника за инфективни болести и фебрилни состојби-0, Судска медицина-1, лабораторија болница Козле-0, УК Пулмологија со алергологија–4, ГОБ 8-ми Септември-0, Институт за микробиологија–84, Жан Митрев (Филип Втори)-16, Авицена-40, Биотек-57, Систина-34, лабораторија Лаор-11, Синлаб-2, Ремедика-13, Плодност-5, Генеа-7, Никоб Лаб-54, ВФВ Медикал-6, Ели МедикаПлус-2, Ројал Медика–3, Спектра-ММ-3, Рапид Лаб–5, Жан Митрев Струмица–0, Нова Лаб Дијагностика–2, Рамус-6, ЈЗУ и ПЗУ (рапид тест)– вкупно 349.
Досега во земјата се направени вкупно 2.087.721 тестирања на Ковид-19. Вкупниот број Ковид-дијагностицирани лица во земјава од почетокот на епидемијата изнесува 315.402, бројот на оздравени пациенти е 304.599, на починати е 9.329, а на активни случаи изнесува 1.474.