Дебакл на Трамп. Демократите ги освоија двата дома на Конгресот
Американските гласачи ја казнија администрацијата на Трамп за ненадејниот пораст на трошоците за живот, колапсот на демократските институции и крајно непопуларната војна со Иран
Демократската партија убедливо победи на изборите за американскиот Конгрес среде претседателскиот мандат на Доналд Трамп.
Според проекциите, Демократите ќе преземат убедливо мнозинство во Претставничкиот дом, кој досега беше под контрола на Републиканците, додека на изборите за Сенатот победија во бројни федерални држави кои се сметаа за традиционални републикански упоришта.
Се очекува демократите да го искористат новото мнозинство за да поведат истраги против американскиот претседател Доналд Трамп, членовите на неговото семејство и неговата администрација, како и за зголемен надзор врз работата на извршната власт.
Доналд Трамп на својата социјална мрежа Truth Social се огласи по тешкиот пораз на Републиканската партија на среднорочните избори за американскиот Конгрес. Тој рече дека воопшто не бил на гласачкото ливче и дека ако бил тој, Републиканците ќе победеле со убедлива, иако само неколку дена претходно на предизборните митинзи лично побарал од гласачите да гласаат токму како неговото име да стои на ливчето.
Но, штом преброените гласови донесоа дебакл во неговата партија, Трамп целосно ги сврте зборовите: “Јас не бев на гласачкото ливче, а да бев, ќе победевме убедливо и убедливо! Ви благодариме за вниманието на ова прашање. Претседател ДОНАЛД Џ. ТРАМП”.
Републиканците претрпеа историски удар на овие избори, губејќи ја контролата врз двата дома на Конгресот. Демократите го презедоа мнозинството во Претставничкиот дом, освојувајќи ги потребните 218 мандати, додека во Сенатот претекнаа голем број долгогодишни републикански упоришта и достигнаа мнозинство од 51 место. Американските гласачи на тој начин ја казнија администрацијата на Трамп за ненадејниот пораст на трошоците за живот, колапсот на демократските институции и крајно непопуларната војна со Иран.
Покрај обидот да се огради од поразот, Трамп во текот на изборната ноќ објави и низа други пораки на социјалните мрежи. Прво саркастично најави дека „ќе стане политички коментатор кој ќе анализира зошто кандидатите победиле и изгубиле“, а потоа упати отворена закана до новото демократско мнозинство објавувајќи само фотографија од црвена капа со натпис „ВЕТО“.
Со губењето на Конгресот, Трамп влегува во последните две години од неговиот претседателски мандат целосно законодавно парализиран. Додека тој најавува дека сите закони ќе бидат блокирани со претседателско вето, победничките демократи веќе му рекоа „да најде адвокати“ и најавија започнување на опсежни парламентарни истраги за бизнисот на неговото семејство и улогата на Илон Маск.
Според проекциите, демократите ќе преземат убедлива контрола над Претставничкиот дом од Републиканците, додека во Сенатот победија во голем број држави кои важеа за упоришта на Републиканците.
Also Trump: “I really am on the ballot.” https://t.co/8MFWjfnKJG
— The Bulwark (@BulwarkOnline) November 4, 2026
Во својот победнички говор во Тексас, новоизбраниот демократски сенатор Џејмс Таларико ја спореди неговата победа и животна приказна со библиската приказна за Давид и Голијат.
„Во оваа трка, ние се спротивставуваме на нашите Голијати – најбогатиот човек на светот, најмоќниот човек во светот и целиот политички естаблишмент во Вашингтон“, рече Таларико.
“Давид не беше голем ниту силен како Голијат. Тој немаше толку многу оружје. Но имаше надеж. Имаше вера. И имаше прашка. Ти беше мојата прашка. Луѓето од Тексас беа мојата прашка. И вечерва, токму вечерва, го победивме Голијат”, рече тој.
Претходно вечерта републиканскиот кандидат Кен Пакстон му честиташе на Таларико за победата и рече дека ќе се моли за него.
На јавноста од Вашингтон и се обрати Чак Шумер, лидерот на демократското малцинство во Сенатот.
Тој рече дека Републиканците го поддржуваат Доналд Трамп, кого го нарече „најлошиот претседател на сите времиња“.
„Републиканците донесоа одлука и го следеа Трамп право во бездната – рече Шумер. „Понекогаш сборуваше за неважни, сосема бесмислени работи. Но, голем дел од времето го потроши на спроведување на мерки кои ги зголемија трошоците за живот на граѓаните“ – додаде тој.
Шумер потоа ги наведе областите каде што, според неговите тврдења, администрацијата на Трамп придонела за зголемување на трошоците, вклучително и електрична енергија, здравствена заштита и основни потреби.
Тој додаде дека републиканците го претвориле својот „ѕид од црвени тули“ во „куп тули“, алудирајќи на губењето на традиционалните републикански упоришта.
„Американците гласаа за промени, а сега останува на демократите да ги спроведат – заклучи Шумер.
За потсетување, Американците денеска излегоа на избори за Конгресот на половина пат од претседателскиот мандат, кои се сметаат за клучен тест за поддршка на претседателот Доналд Трамп во втората половина од неговиот втор мандат.
Се избираат сите 435 членови на Претставничкиот дом и 35 од вкупно 100 сенатори.
Републиканците во моментов ги контролираат двата дома на Конгресот, а изборите би можеле значително да го променат односот на политичката моќ во Вашингтон.
Демократите се надеваат дека ќе го искористат незадоволството од политиката на Трамп, зголемените трошоци за живот и војната со Иран за да ја преземат контролата врз Конгресот и да ги ограничат овластувањата на претседателот.
Во последните недели Трамп интензивно учествуваше во изборната кампања, повикувајќи ги своите поддржувачи да ги поддржат републиканските кандидати.