Далечни роднини на папата Лав XIV се Мадона, Хилари Клинтон, Џастин Бибер, Џек Керуак…
Папата Лав XIV можеби е позната личност сама по себе, но познатиот верски водач има многу роднини меѓу ѕвездите.
„Њујорк тајмс“ го проследи потеклото на новиот папа, откривајќи дека имал роднини во Италија, Шпанија и Франција, од кои некои подоцна се преселиле во Квебек во 1650-тите.
Откако ги пронашол неговите корени до Луј Бушер де Гранпре, еден од неговите далечни канадски роднини, „Тајмс“ открил дека папата Лав, 69, е роднина и со Џастин Бибер и со Мадона преку де Грандпре, кој е роден во градот Троа-Ривиере во Квебек.
Други познати личности поврзани со папата преку де Гранпре се Анџелина Џоли и Хилари Клинтон, како и поранешниот канадски премиер Џастин Трудо и покојниот писател Џек Керуак.
Врската на Мадона со папата доаѓа три години откако таа го замоли неговиот претходник, покојниот папа Франциско, да се сретнат и да разговараат за нејзините наводни три исклучувања од црквата.
„Здраво @Pontifex Francis – јас сум добар католик. Се колнам!“ напиша таа на Икс во мај 2022 година. „Мислам, не се колнам! Поминаа неколку децении од мојата последна исповед. Дали би било можно еден ден да се сретнеме за да разговараме за некои важни прашања?“
Додаде: „3 пати сум била екскомуницирана. Не ми изгледа фер. Со почит, Мадона.“
Папата Лав XIV влезе во историјата кога стана првиот папа роден во Америка. Папата, кој е роден во Чикаго, има креолски корени од своите претци во Њу Орлеанс.
Многу поробени Африканци некогаш живееле во градот, според „Тајмс“, кој известува дека меѓу претците на папата има најмалку 17 лица „кои биле идентификувани во разни записи како ‘мулат’, ‘мулатрес’, ‘креолска мулатрес’, ‘обоена слободна личност’ и ‘квадрон’“.
Папата, чие родено име е Роберт Превост, е роден од Луис Мариус Превост и Милдред Мартинез на 14 септември 1955 година во Чикаго. Неговото најблиско семејство ги вклучува постарите браќа Џон и Луис, кои дури и ја предвидоа идната работа на нивниот помлад брат.
„Некои луѓе играат училиште, некои луѓе играат војска, тој играше свештеник, а ние мораше да одиме на миса“, изјави Џон за Еј-Би-Си откако неговиот брат беше именуван за нов папа. „Тој знаеше токму тогаш дека ова не е шега… Жените по улицата велеа дека тој ќе биде првиот американски папа“. (Пипл)